COP29-un keçirildiyi dövrdə Bakının əsas küçə və prospektlərində əsaslı qadağa qoyulması nəzərdə tutulmur.
Yenisabah.az report-a istinadla xəbər verir ki, COP29 Nəqliyyat Departamentinin rəhbəri Orxan Mahmudlu deyib.
Onun sözlərinə görə, noyabrın 11-12-13-də Liderlər Sammitinin keçiriləcəyi dövrdə müyyən tənzimləmələr nəzərdə tutulur: pizza hut
"Ölkəyə səfər edəcək dövlət və hökumət başçılarının gəlişi ilə əlaqədar hava limanından şəhərə, şəhərdən stadion istiqamətində müxtəlif tənzimlənmələrin aparılması nəzərdə tutulur. Bu tənzimləmələr aparılarkən çətinliklər və sıxlıqlar yarana bilər deyə şəhərin nəqliyyat tənzimlənməsi planını yaratmışıq. Dövlət və hökumət başçılarının daşıyan kortejlərin keçəcəyi yollarda insanlar alternativ yollardan istifadə etsin deyə müəyyən alternativlər müəyyən olunub. Bu istiqamətlər hava limanından şəhərə, əksi və ya şəhərin digər istiqamətdir. Bununla bağlı ictimaiyyətə məlumat veriləcək".
O.Mahmudlu bildirib ki, həmin günlərdə nəqliyyatın tənzimlənəcəyi planlaşdırılan istiqamətlər Neftçilər prospekti, Yusif Səfərov, Heydər Əliyev prospekti, Zərifə Əliyeva küçəsi və digər yollar daxildir.
Telegram kanalımız
