"Vyanada nüvə sazişi üzrə danışıqların dayandırılması Ağ Evin daxili siyasi problemlərin həlli üçün istifadə etməyə çalışması ilə bağlıdır".
Yenisabah.az "Mehr News"a istinadla xəbər verir ki, bunu İran Xarici İşlər Nazirliyinin rəsmi nümayəndəsi Səid Xətibzadə bildirib.
"Vyanada baş verənlər danışıqların Birləşmiş Ştatların günahı ilə dayandırılmasıdır. Məlum oldu ki, ABŞ prezidenti Co Bayden və Ağ Ev bu məsələ ilə bağlı hələ qərar verməyib". Marqarita pizza
Diplomat əlavə edib ki, ABŞ hakimiyyəti nüvə sazişi ilə bağlı yaranmış vəziyyəti öz daxili siyasətinin bir hissəsinə çevirib. Onun sözlərinə görə, ABŞ saziş imzalamağa hazırdırsa, o zaman siyasi qərar verməlidir.
Vyanada İranın nüvə proqramı üzrə Birgə Hərtərəfli Fəaliyyət Planının ilkin formada bərpası və Birləşmiş Ştatların martın 11-də bu çoxtərəfli razılaşmaya qaytarılması üçün səkkiz raund danışıqlardan sonra xarici amillərə görə fasilə verilib. Bundan əvvəl Vyana danışıqları finiş xəttinə çatmışdı və fevralın sonuna qədər başa çatmalı idi. Sazişin mətni razılaşdırılıb və təxminən 20 səhifədən ibarətdir, o, nüvə sazişinin ilkin formada həyata keçirilməsinə qayıtmaq üçün gələcək tədbirlərə istinad edir.
Telegram kanalımız
