Mehdiabadda narkotiklərin satışı ilə məşğul olan və üzərində qanunsuz olaraq odlu silah saxlayan şəxslərə qarşı əməliyyatlar keçirilib.
Yenisabah.az DİN-in mətbuat xidmətinə istinadla xəbər verir ki, 3 nəfər saxlanılıb.
Narkotik vasitələrin qanunsuz dövriyyəsi ilə məşğul olan, əvvəllər məhkum olunmuş Asəf Məmədov və Abbas Qafarovdur. Bu şəxslərdən ümumən 7 kiloqrama yaxın marixuana götürülüb. Onların Mehdiabad və ətraf qəsəbələrdə narkotiklərin satışı ilə məşğul olduqları müəyyən edilib. Dördpendirli pizza
Üzərində qanunsuz olaraq odlu silah-sursat gəzdirən şəxs isə əvvəllər məhkum olunmuş Elbəyi Əmirovdur. Ondan 1 ədəd “Kalaşnikov” markalı avtomat, 4 ədəd patron, həmin silaha məxsus daraq və narkotik vasitə heroin aşkar edilib.
Faktlarla bağlı Mehdiabad Polis Bölməsində toplanan materiallar Abşeron Rayon Polis İdarəsinə göndərilib.
Telegram kanalımız
