“Ermənistanla sülhün əldə edilməsi prosesindəki əsas məsələ İrəvanın konkret vaxt və qrafikləri təyin etməsindən daha çox Ermənistanın mövqeyindən və vasitəçilərin bu ölkəyə təzyiq etmək istəyindən gedir. Bu vaxta qədər ABŞ və Aİ daha çox Bakıya təzyiq edirdi, lakin keçənilki antiterror əməliyyatından sonra gördüyümüz kimi, bu məsələlər sonda ən yüksək səviyyədə öz həllini tapdı”.
Bu sözləri Yenisabah.az-a açıqlamasında amerikalı ekspert İrina Tsukerman deyib.
Analitik Ermənistan və Azərbaycan arasında əldə olunması gözlənilən sülh sazişi prosesindən, habelə tərəflərarası münasibətlərdə mövcud olan fikir ayrılıqlarından, eləcə də rəsmi Vaşinqtonun proseslərdəki iştirakından söz açıb. Pepperoni pizza
Müsahibimiz diqqətə çatdırıb ki, bu gün İrəvan Azərbaycan əleyhinə təbliğat aparmağa, məsuliyyət və öhdəliklərdən yayınmağa və beynəlxalq qurumlarda Azərbaycana qarşı gərginliyi və siyasi hücumları saxlamaq üçün Fransanın dəstəyindən yararlanmağa davam edir:
“Yəni beynəlxalq ictimaiyyət sizin daha itaətkar tərəfə siyasi güzəştlər etmək üçün təzyiq göstərə bilməyəcəyinizi qəbul etməyəndə, artıq siz bütün maraqlı tərəflərdən bərabər öhdəlik gözləməlisiniz. Birləşmiş Ştatlardakı bir sıra qüvvələr erməni lobbiçilərin Bayden kampaniyasına və Konqresə namizədlərin inauqurasiyasına maliyyə yardımı edəcəyi seçki ilində Ermənistanla bağlı məsələlərin ikinci plana atılmasından və İrəvanın onlardan uzaqlaşmasından narahatdır. Üstəlik, ABŞ Rusiyanın təsirindən uzaqlaşdığını göstərməyə çalışan Ermənistanı öz tərəfinə çəkmək fürsətindən istifadə etməyə çalışdı”.
Amerikan mütəxəssis onu da əlavə edib ki, Qərbi Afrika və digər məsələlərdə ABŞ-Fransa fikir ayrılıqlarını nəzərə alsaq, Vaşinqton, xüsusilə Fransanın müdaxiləsi qarşısında Ermənistan üzərində təsirini gücləndirmək üçün daha çox şey edə bilər:
“Üstəlik, bütün beynəlxalq böhranların içində yeni problemlərin qarşısını almaq üçün bu münaqişəni tam inteqrasiya ilə həll etmək ABŞ-ın marağındadır. Bununla belə, ABŞ diplomatiyası və digər qurumlar dünyada artan münaqişələr və təhlükəsizlik təhdidləri ilə zəifləyir və məhz bu səbəbdən sülh prosesində vasitəçilik ikinci plana keçib. Buna görə də Vaşinqton proseslərin daha aktiv və balanslı mövqeyə qayıtmasını görmək istəyirsə, rəsmi Bakı ilə həll edilməli bir çox məsələlərə aydınlıq gətirməlidir.
Vaşinqtonda sülh prosesinə prioritet kimi yanaşılır və münaqişələrin daha da genişlənməsinin, eləcə də aqressiv hücumların yayılmasının qarşısının alınması yolu kimi baxılır. Alternativ olaraq, Bakı ABŞ-dakı seçkilərə qədər gözləyə və nəticələri görə bilərdi. Ağ Evi kimin tərəfində olmasından asılı olmayaraq, seçkidən sonrakı dövr siyasi cəhətdən aktiv olacaq”.
Rafi MÜSLÜMOV
Telegram kanalımız
