ABŞ-ın 6-cı əməliyyat donanmasının “USS Bainbridge” raket esminesi Türkiyənin cənub-qərbində yerləşən Aksaz hərbi dəniz bazasına daxil olub.
Yenisabah.az "Interfax"a istinadla xəbər verir ki, gəmi hazırda Aralıq dənizində fəaliyyət göstərən nüvə mühərrikli təyyarədaşıyan “Harri Truman”ın rəhbərlik etdiyi ABŞ Hərbi Dəniz Qüvvələrinin aviadaşıyıcı zərbə qrupunun bir hissəsidir.
Daşıyıcı zərbə qrupuna "USS Harry S. Truman" təyyarədaşıyan gəmisindən əlavə idarə olunan raket kreyseri "USS San Jacinto", "USS Cole", "USS Gravely", "USS Jason Dunham" və "USS Gonzalez (DDG 66)" esminesləri daxildir. pizza sifarişi
Bundan əlavə, bura "Tomahawk" qanadlı raketləri olan nüvə hücum sualtı qayığı daxildir.
6-cı Donanma Fransanın "FS Languedoc" freqatı və İtaliyanın "ITS Alpino" freqatı da qüvvəyə qoşulduğunu və birgə əməliyyatlarda iştirak edəcəyini açıqlayıb.
İlkin olaraq, ötən il dekabrın 14-də Cəbəllütariqi keçərək Aralıq dənizinə daxil olan ABŞ Hərbi Dəniz Qüvvələrinin təyyarədaşıyan qrupunun Fars körfəzinə gedəcəyi planlaşdırılırdı. Lakin Vaşinqton Ukrayna ətrafında yaranmış vəziyyət fonunda onu Aralıq dənizində buraxmaq qərarına gəlib.
Telegram kanalımız
