ABŞ Slovakiyada “Patriot” zenit-raket kompleksi yerləşdirəcək.
Yenisabah.az “Amerikanın səsi” radiosuna istinadla xəbər verir ki, ABŞ müdafiə naziri Lloyd Ostin yaxın günlərdə ABŞ ordusu ilə birlikdə "Patriot" raket sisteminin Slovakiyaya göndəriləcəyini bildirib .
"Yerləşdirmənin müddəti hələ müəyyən edilməyib, çünki biz daimi qərarlar üzrə Slovakiya hökuməti ilə məsləhətləşmələri davam etdiririk", - Ostin bildirib.
Pentaqonun məlumatına görə, bu qərar Bratislava özünün S-300 zenit-raket kompleksinin Kiyevə təhvil verildiyini elan etdikdən sonra verilib.
Pentaqonun sözçüsü Con Kirbi bildirib ki, “Patriot” sisteminin Slovakiyada müvəqqəti yerləşdirilməsi ölkənin hava hücumundan müdafiə sistemini dəstəkləmək məqsədi daşıyır və NATO-nun şərq cinahını gücləndirmək, “qaçırma və müdafiə imkanlarını təkmilləşdirmək” üçün “genişmiqyaslı səylərin tərkib hissəsidir”.
Qeyd edək ki, aprelin 8-də Slovakiya Respublikasının Baş naziri Eduard Heqer Slovakiyanın S-300 hava hücumundan müdafiə sistemini Ukraynaya təhvil verdiyini bildirib.
Telegram kanalımız
