Anomal isti İspaniyada 510 can aldı

İspaniyada bir həftə davam edən anomal istilər səbəbindən 500-dən çox insan ölüb.

Yenisabah.az EFE-yə istinadla xəbər verir ki, bu barədə ölkənin Səhiyyə Nazirliyi məlumat yayıb.

İyulun 10-dan 16-a qədər 510 ispaniyalı 45 dərəcə temperaturun təsirindən ölüb. Onlar xüsusən yaşı 85-dən yuxarı olan qocalardır. Dördpendirli pizza

İspaniya Dövlət Meteorologiya Agentliyi əksər regionlarda hava xəbərdarlığı səviyyəsini təhlükə baxımından sarıya, yüksək təhlükə baxımından narıncıya yüksəldib. Bəzi əyalətlərdə həyəcan həddi ən yüksək həddə - qırmızıya qaldırılıb ki, bu da həddindən artıq təhlükə deməkdir.