Yaponiyanın baş naziri Fumio Kişida ölkəsinin İran və ABŞ arasında 2015-ci ildə imzalanmış nüvə sazişinin bərpası üzrə danışıqlarda vasitəçilik etməyə hazır olduğunu bildirib.
Yenisabah.az Təsnim-ə istinadla xəbər verir ki, Kişida Məsud Pezeşkianla telefon danışığında ABŞ-ın 2018-ci ildə çıxdığı Birgə Hərtərəfli Fəaliyyət Planının (JCPOA) bərpasına ümid etdiyini deyib.
Baş nazir qeyd edib ki, Yaponiya və beynəlxalq ictimaiyyət növbəti İran administrasiyasından bu istiqamətdə səmərəli əməkdaşlıq gözləyir. Kişida əlavə edib ki, İranla çoxəsrlik dostluğunu, eləcə də ABŞ ilə yaxın münasibətlərini nəzərə alaraq, Yaponiya Tehran və Vaşinqton arasında JCPOA-nın canlandırılmasında vasitəçilikdə konstruktiv rol oynamağa hazırdır. Sezar pizza
İranın seçilmiş prezidentinə vəzifəsində uğurlar arzulayan Yaponiyanın baş naziri Tokio ilə Tehran arasında konstruktiv əməkdaşlığın genişləndirilməsinə ümid etdiyini bildirib.
Telegram kanalımız
