Çin prezidenti Si Cinpin Pekində Almaniya kansleri Olaf Şolz ilə görüş keçirib.
Yenisabah.az xəbər verir ki, söhbət zamanı digər məsələlərlə yanaşı, Ukraynadakı hərbi münaqişə və onun həlli üsulları ilə bağlı fikir mübadiləsi aparılıb. Hər iki tərəf BMT Nizamnaməsinin prinsiplərinə və nüvə silahından istifadənin və ya nüvə obyektlərinə hücumların qarşısının alınmasına sadiq olduqlarını bəyan ediblər.
Si Cinpinin fikrincə, münaqişənin həllinə yanaşmağın zəruri olduğu dörd prinsipi formalaşdırıb. pizza sifarişi
O vurğulayıb ki, indiki vəziyyətdə münaqişənin genişlənməsinin və ya nəzarətdən çıxmasının qarşısını almaq lazımdır. Bu məqsədlə o, aşağıdakı prinsiplərə riayət etməyi təklif etdi: sülhə nail olmağa diqqət yetirmək və eqoist maraqları güdməmək, vəziyyətin gərginliyini azaltmağa çalışmaq və “oduna yanacaq tökməmək”, dinc danışıqlara şərait yaratmaq və münaqişələrin daha da gərginləşməsinə yol verməmək, münaqişənin qlobal iqtisadiyyata mənfi təsirini minimuma endirmək və qlobal sənaye təchizat zəncirlərinin sabitliyini pozmamaq.
Çin lideri bildirib: “Çin böhranın sülh yolu ilə həllini təşviq etmək üçün bütün səyləri dəstəkləyir. ÇXR Rusiya və Ukrayna tərəfindən tanınan, bütün tərəflərin bərabər iştirakı və bütün dinc variantların ədalətli müzakirəsi ilə beynəlxalq sülh konfransının çağırılmasını dəstəkləyir”.
Telegram kanalımız
