Yanvarın 1-də Nərimanov rayonunun fəal gəncləri və könüllüləri Azərbaycanın ərazi bütövlüyü uğrunda gedən Vətən Müharibəsində həlak olmuş şəhidlərimizi ziyarət edib, ilin ilk günündə şəhidlərin xatirəsini dərin ehtiramla yad ediblər.
Yenisabah.az xəbər verir ki, gənclər Şəhidlər Xiyabanında, İkinci Fəxri Xiyabanda, Suraxanı rayonu Dədə Qorqud və Sabunçu rayonu Zabrat qəbiristanlıqlarında dəfn olunmuş Nərimanov rayonundan olan və digər şəhidlərin qəbirlərini ziyarət edərək məzarları üzərinə gül və əklil qoyublar.
Xatırladaq ki, 30 ilə yaxın bir müddətdə işğal altında olan vətən torpaqlarımız Müzəffər Ali Baş Komandanımızın rəhbərliyi ilə qüdrətli ordumuzun zəfər yürüşü nəticəsində işğaldan azad olunub. Albertlərin, Allahverdilərin, Əliflərin, Salatınların davamçıları olan qəhrəmanlarımız tarixi haqq-ədaləti bərqərar ediblər. Onlar daim xalqımızın qəlbində yaşayacaqlar! Dominos pizza
Telegram kanalımız
