Gürcüstanda polis İtaliya mafiyasının liderlərindən biri olan Cüzeppe Sqanqanı saxlayıb.
Yenisabah.az “Rustavi 2”yə istinadla xəbər verir ki, 67 yaşlı Sqanqa 2020-ci ildə ölkəsində qiyabi olaraq mühakimə olunub və 11 il müddətinə azadlıqdan məhrum edilib.
İtaliyada eyni iş üzrə bir neçə nəfər, o cümlədən mafiya ilə əlaqədə ittiham olunan 3 qardaş və keçmiş hüquq-mühafizə orqanlarının əməkdaşları məhkum olunub. pizza sifarişi
İstintaq iddia edir ki, təqsirləndirilən şəxs Turində müxtəlif cinayətlərə görə məsuliyyət daşıyan mafioz birlik yaradıb.
Sqanqa beynəlxalq axtarışa verilib və Gürcüstanda tapılıb. İtaliya mafiyasının saxlanması ilə bağlı məlumatı ölkənin baş prokuroru İrakli Şotadze də təsdiqləyib. O qeyd edib ki, cinayətkarın Gürcüstanda şəriki olmayıb.
Telegram kanalımız
