Ermənistan baş nazirinin səlahiyyətlərini icra edən Nikol Paşinyan keçmiş prezidentlər Robert Köçəryana və Levon Ter-Petrosyana meydan oxuyub.
Yenisabah.az erməni KİV-lərinə istinadən xəbər verir ki, Paşinyan keçmiş prezidentləri iyunun 18-də birbaşa efirdə baş tuttacaq debata çağırıb. Bildirib ki, onlar bütün suallara cavab verməlidir.
Paşinyan Aparan şəhərində tərəfdarları qarşısında çıxış edərkən Qarabağ münaqişəsi mövzusuna toxunub və deyib ki, qaldırdığı suallara hələ də cavab verilməyib. Bura Paşinyanın dediyi kimi, Levon Ter-Petrosyanın Dağlıq Qarabağı Azərbaycana verib birdəfəlik bu mövzusunu bağlamaq planı və Robert Köçəryanın vaxtilə Mehrini Azərbaycana verib ərazi mübadiləsi planına razılıq verdiyi barədə suallar daxildir. Toyuqlu pizza
Paşinyan Qarabağ mövzusu ətrafındakı situasiyanı “sonuncu mərhələyə gəlib çatmış xəstəliklə” müqayisə edib və bildirib ki, belə xəstəliyin olduğunu daha inkar etmək mümkün deyil.
“Qarabağ məsələsinə dair danışıqlar paketi bir neçə səhifədən ibarətdir. Onların arasında bir çox nüansların tarixçəsi də yer alır və vətəndaşlar bu haqda bilməlidir”,-o deyib.
Paşinyan hesab edir ki, keçmiş prezidentlər onun irəli sürdüyü arqumentlərə tutarlı cavablar verməlidir və bu məqsələ onları iyunun 18-də keçiriləcək debata çağırır.
“Debat zamanı hər şey aydın olacaq. Qapalı məkanda, kabinetdə oturub xoruzlanmaq çox asandır. Gəlin, üz-üzə dayanaq və danışaq”,-o bildirib. Paşinyana görə, Köçəryan həm də Qarabağın vaxtilə danışıqlar prosesindən niyə kənarlaşdırıldığına izahat verməlidir./Virtualaz.org
Telegram kanalımız
