“ABŞ-İran, deyəsən, anlaşdılar, hər tərəf özünü qalib elan etdi-edir, bu da gözlənilən idi. Əgər İsrail anlaşmanı pozmağa cəhd etməsə, bu həftə imzalar atılacaq".
“Yeni Sabah” xəbər verir ki, bu barədə iqtisadçı Natiq Cəfərli “Facebook” səhifəsində yazıb.
"Bu gün neft 83 dollara düşdü, qızılın unsiyası 4330 dollara qalxdı. Anlaşma rəsmiləşəndə neft 75-80 dollara qədər ucuzlaşacaq, qızılın qiyməti isə 4500 dolları keçəcək. Anlaşma qalıcı olandan sonra isə neft daha da ucuzlaşacaq, qızıl isə bir az da bahalaşacaq”, - deyə o qeyd edib. pizza hut
Natiq Cəfərli bildirib ki, Hörmüzdə İran-Oman birgə nəzarət mexanizmi yarana bilər:
“ABŞ İran neftinə investisiya və iqtisadi yollarla şərik olur-olacaq. İrana böyük investisiyalar gəlsə (təqribən, 300 mlrd. dollar investisiya müqavilələri olacaq), ölkə daha çox açılmağa məcbur olacaq, açıldıqca, daha çox dəyişəcək. Yəni İranda sistemin adı dəyişməsə də, mahiyyəti sürətlə dəyişir-dəyişəcək. Hörmüzdə İran-Oman (oxu – ABŞ) birgə nəzarət mexanizmi yaranacaq.
Ən pis sülh, ən yaxşı müharibədən karlıdır, hamı üçün, bir tək hər iki tərəfdə uydurulmuş tarixi, dini mifləri istismar edərək hakimiyyətlərinin ömrünü uzatmaq istəyənlərədən başqa...”
Nazim Hacıyev
Telegram kanalımız
