Bakı şəhərində taksi sürücülərinə qarşı dələduzluq edən şəxs saxlanılıb.
Yenisabah.az DİN-ə istinadla xəbər verir ki, Nərimanov rayonu ərazisində taksi fəaliyyəti ilə məşğul olan 5 nəfər şikayət edib.
Onların avtomobillərinə müştəri kimi əyləşən şəxs üzərində “etibarsız” yazılan 50 və 100 manatlıq əskinaslar verib əvəzində isə pulun qalığını alıb. Qanunazidd əməlləri törətməkdə şübhəli bilinən 1983-cü il təvəllüdlü, əvvəllər məhkum olunmuş Hafiz Mahmudov saxlanılıb. Marqarita pizza
Onun üzərinə keçirilən baxış zamanı dələduzluq edərkən istifadə etdiyi üzərində “etibarsız” yazılan 50, 100 və 200 manatlıq saxta əskinaslar aşkar edilərək götürülüb.
Taksi sürücülərinə qarşı dələduzluq edən şəxsin hərəkətləri ərazidə quraşdırılan kameralar vasitəsi ilə də qeydə alınıb.
Bundan başqa, geyim mağazalarından birində olan seyfdən 2072 manat oğurlayan paytaxt sakini Şahniyar Hüseynov saxlanılıb.
Telegram kanalımız
