Avropa İttifaqı Ukraynadakı münaqişə başa çatdıqdan sonra Rusiya Federasiyası ilə münasibətləri yaxşılaşdırmaq üçün çalışmalıdır.
Yenisabah.az EFE-yə istinadla xəbər verir ki, bunu Macarıstanın baş naziri Viktor Orban bildirib.
Onun fikrincə, bu cür barışıq Aİ-nin dünya miqyasında mühüm mövqeyini qoruyub saxlaması üçün zəruri olacaq. pizza hut
Macarıstanın baş naziri yenidən Brüsselin Ukrayna ilə bağlı mövqeyini tənqid edərək, Aİ-ni diplomatiyaya əl atmaq istəməməkdə ittiham edib. “Bəxtimiz gətirsə, Ukrayna Rusiya və ABŞ-ın imzaladığı saziş çərçivəsində beynəlxalq təhlükəsizlik zəmanəti alacaq, bu halda Avropa da bu prosesdə iştirak edə biləcək”.
Eyni zamanda, Orban Kiyevin Avropa Birliyinə və NATO-ya qoşulma şanslarına bir daha şübhə ilə yanaşıb, Avropada müdafiə ittifaqı yaratmağa çağırıb.
O, həmçinin Aİ-nin enerji təhlükəsizliyinin vacibliyini qeyd edib. Macarıstanın baş naziri deyib: “Bu, nüvə enerjisi olmadan mümkün deyil”.
Telegram kanalımız
