"Özbəkistan hakimiyyəti faktiki olaraq geosiyasi seçim qarşısında qalıb".
Yenisabah.az NG-yə istinadla xəbər verir ki, bunu Rusiya Elmlər Akademiyası Şərqşünaslıq İnstitutunun elmi işçisi Aleksandr Vorobyov bildirib.
Onun sözlərinə görə, əvvəllər də rəsmi Daşkənd üçün maraqlar arasında tarazlığı saxlamaq asan olmayıb. pizza mizza
Ekspert bildirib: “Eyni zamanda, anlamaq lazımdır ki, Daşkənddə strateji qərarlar qəbul edərkən, ilk növbədə, öz maraqlarından çıxış edəcək. Ölkənin xarici siyasət subyektivliyi, eləcə də istənilən kənar təzyiqə tab gətirmək qabiliyyəti şübhəsizdir.
Özbəkistan üçün həm Rusiya, həm Qərb, həm də Çin və Cənubi Asiya dövlətləri ilə münasibətlər vacibdir. Rəsmi Daşkənd Mərkəzi Avrasiyada müxtəlif istiqamətlər üzrə şaxələndirilmiş nəqliyyat və logistika marşrutları şəbəkəsi qurur.
Rusiya Özbəkistan üçün məhsulların satış bazarı, sənaye kooperasiyasının tərəfdaşı və əmək miqrantları üçün gəlir mənbəyi kimi vacibdir. Güman etmək olar ki, Qərb paytaxtlarının Moskva ilə münasibətlərin səviyyəsini pozmaq və ya ciddi şəkildə aşağı salmaq çağırışları uzunmüddətli perspektivdə kurs dəyişəcəyi təqdirdə Özbəkistanın çəkəcəyi xərcləri geri qaytarmaya bilər”.
Xatırladaq ki, bir müddət əvvəl Özbəkistan Ukraynanın ərazi bütövlüyünü müdafiə edib və qondarma respublikaları tanımayacağını bildirib.
Telegram kanalımız
