Gürcüstan prezidenti Salome Zurabişvili hakim “Gürcü arzusu” partiyasının icazəsiz səfərlərə görə ona impiçment elan etmək təşəbbüsünə baxmayaraq, istefaya getməyəcəyini bildirb.
Yenisabah.az Gürcüstan mediasına istinadən xəbər verir ki, prezident Avropa ölkələrinə səfərlərini davam etdirəcəyini açıqlayıb.
Bundan əvvəl hakim partiya Zurabişvilinin impiçmenti təşəbbüsü ilə çıxış edib. Çünki hökumətin qadağalarına baxmayaraq, prezident xaricə səfərlərini davam etdirir. pizza hut
“Vəzifədən getməyəcəyəm, hesab edirəm ki, hamı istefamı xəyal etməyi dayandırmalıdır, mən olduğum yerdəyəm. Amma hansı səfərə lazımdırsa gedəcəm, çünki bu, mənim ən yüksək konstitusiya borcumdur, bu ölkənin konstitusiyasını qoruyuram”, - Zurabişvili videomüraciətində bildirib.
Telegram kanalımız
