Rusiya Hava-Kosmik Qüvvələri (HKQ) Ukrayna hərbçilərinin Nikolayevdə müvəqqəti yerləşdirildiyi məntəqəyə hücum edərək 200-ə qədər millətçi və əcnəbi muzdlu əsgəri məhv edib.
APA-nın Moskva müxbirinin məlumatına görə, bu barədə Rusiya Müdafiə Nazirliyinin yaydığı açıqlamada bildirilib.
“Rusiya Hava-Kosmik Qüvvələri yüksək dəqiqlikli raketlərlə Ukrayna Silahlı Qüvvələrinin Nikolayev şəhərində yerləşən 123-cü Ərazi Müdafiə Briqadasının müvəqqəti dislokasiya məntəqəsinə endirdiyi zərbə nəticəsində 200-ə qədər millətçi və əcnəbi muzdlu, o cümlədən 13 ədəd zirehli və motorlu texnika məhv edilib. Dominos pizza
Bundan başqa, Rusiya Hava-Kosmik Qüvvələrinin yüksək dəqiqliklə endirdiyi zərbələr nəticəsində, Ukrayna Silahlı Qüvvələrinin Seversk istiqamətində fəaliyyət göstərən 115-ci mexanikləşdirilmiş briqadası faktiki olaraq məhv edilib. Təkcə son iki gündə həmin briqadanın şəxsi heyət itkisi 600 nəfərdən çox təşkil edib”, - Rusiya MN-in məlumatında qeyd olunub.
O da bildirilib ki, ötən sutka ərzində Rusiya hava hücumundan müdafiə sistemləri Ukraynanın 14 pilotsuz uçuş aparatını vurub.
Rusiya MN müharibə başlayandan indiyədək Ukrayna tərəfinin verdiyi hərbi itkilər barədə məlumatı da açıqlayıb: “Ümumilikdə, xüsusi hərbi əməliyyat başlayandan indiyədək Ukrayna Silahlı Qüvvələrinin 256 təyyarə, 139 helikopter, 1557 pilotsuz uçuş aparatı, 355 zenit-raket kompleksi, 4073 tank və digər zirehli döyüş texnikası, 746 reaktiv yaylım atəşi sistemi, 3149 sahə artilleriya qurğuları və minaatan, həmçinin 4253 ədəd xüsusi təyinatlı hərbi avtomobil texnikası məhv edilib”.
Telegram kanalımız
