Biz Ermənistan-Azərbaycan sərhədində vəziyyətin gərginləşməsindən ciddi narahatıq.
Yenisabah.az xəbər verir ki, bu barədə Rusiya XİN-in rəsmi nümayəndəsi Mariya Zaxarova həftəlik brifinqdə bildirib.
“Biz bu təzahürdən ciddi şəkildə narahatıq. Söhbət Ermənistanın Sünik rayonu ilə Azərbaycanın Zəngilan rayonu arasındakı sərhəddən gedir. Fevralın 12-də və 13-də Nerkin And yaşayış məntəqəsi yaxınlığında bir sıra silahlı insidentlər baş verib, nəticədə ölənlər və yaralananlar olub. Biz Bakı və İrəvanı qətiyyətlə təmkin nümayiş etdirməyə, gərginliyin azaldılması üçün addımlar atmağa və vəziyyətin daha da pisləşməsinə səbəb ola biləcək hər hansı hərəkətlərdən çəkinməyə çağırırıq. pizza sifarişi
Bütün ortaya çıxan məsələlər yalnız sülh, siyasi və diplomatik yollarla həll edilməlidir. Baş verənlər bir daha təsdiq edir ki, Azərbaycan və Ermənistan 2020-2022-ci illər arasında bağlanmış üçtərəfli sazişlər kompleksinin ən yüksək səviyyədə həyata keçirilməsinə tezliklə qayıtmalıdırlar. Əminik ki, ərazi mübahisələri Ermənistan-Azərbaycan sərhədinin delimitasiyası üzrə ikitərəfli komissiyalar çərçivəsində həll edilməlidir. Biz bu prosesə məsləhətçi yardım göstərməyə hazırıq”, - deyə Zaxarova vurğulayıb.
Telegram kanalımız
