Tovuzda zəhərlənənlərin sayı 55 nəfər imiş.
Yenisabah.az xəbər verir ki, bu barədə TƏBİB-in məlumatında qeyd olunur.
"Respublika Təcili və Təxirəsalınmaz Tibbi Yardım Mərkəzinə bu gün saat 11:00 radələrində Tovuz rayonu, Aşağı Quşçu kəndində yerləşən məktəbdə şagirdlər arasında dəm qazından kütləvi zəhərlənmə şübhəsilə çağırış daxil olub. Dördpendirli pizza
Çağırış ünvanına təcili tibbi yardım briqadaları cəlb olunub.
Saat 13:20 radələrinə olan məlumata görə, 55 nəfər Tovuz Rayonu Mərkəzi Xəstəxanasına hospitalizasiya olunub.
Zərərçəkənlər Təcili və təxirəsalınmaz tibbi yardım, Reanimasiya, Cərrahiyyə və Yoluxucu xəstəliklər şöbəsinə yerləşdirilib.
Onların hər birinə zəruri tibbi xidmətlər göstərilir", - deyə məlumatda qeyd edilir.
Xatırladaq ki, Qazax-Tovuz Regional Təhsil İdarəsindən məlumatında 20 nəfərə yaxın şagirdin zəhərləndiyi bildirilmişdi.
Telegram kanalımız
