Türkiyədə aprelin 26-da səhər saatlarında ard-arda iki zəlzələ baş verib.
“Yeni Sabah” xəbər verir ki, bu barədə Türkiyə mətbuatı AFAD və Kandilli məlumatlarına istinadən məlumat yayıb.
Bildirilib ki, ilk yeraltı təkan saat 08:01-də Yedisu rayonunda qeydə alınıb. Zəlzələnin gücü 4,4 bal, dərinliyi isə 7 kilometr olub.
Təxminən 40 dəqiqə sonra, saat 08:41-də ikinci zəlzələ Sındırgı bölgəsində baş verib. Bu dəfə yeraltı təkanların gücü 3,1 bal, ocağının dərinliyi isə 14,93 kilometr təşkil edib.
Məlumata görə, hər iki zəlzələ ilə bağlı dağıntı və ya xəsarət alanlar barədə rəsmi məlumat verilməyib.
Qeyd edək ki, Türkiyə seysmik cəhətdən aktiv bölgədə yerləşdiyi üçün ölkədə tez-tez müxtəlif gücdə zəlzələlər qeydə alınır.
Telegram kanalımız
