Ucarda Cəlilabad rayon sakini, əvvəllər dəfələrlə məhkumluq həyatı yaşamış, hal-hazırda isə sonuncu dəfə törətdiyi cinayət əməlinə görə azadlığın məhdudlaşdırılması cəzasına məhkum edilmiş Elşən Əzimov saxlanılıb.
Yenisabah.az DİN-ə istinadla xəbər verir ki, o, rayonun Qarabörk kəndi ərazisində tutulub. E. Əzimovun əlində olan torbaya keçirilən baxış zamanı 1 ədəd atəşə yararlı AK-74 markalı avtomat və 1 ədəd daraq, üzərindən isə narkotik maddə olan heroin aşkarlanaraq götürülüb.
Rayon ərazisində narkotik vasitələrin qanunsuz dövriyyəsi ilə məşğul olan şəxslərə qarşı keçirilən əməliyyat tədbirləri zamanı isə 4 nəfər – H.Rüstəmov, S.Kərimli, Ş.Xuduyev və R.Məmmədov saxlanılıblar. Həmin şəxslərdən müxtəlif çəkilərdə narkotik vasitə heroin və marixuana aşkar edilərək maddi sübut kimi götürülüb. Dominos pizza
Faktlarla bağlı Ucar Rayon Polis Şöbəsində araşdırmalar davam etdirilir.
Telegram kanalımız
