Əfqanıstanın mərkəzində yerləşən Bamiyan əyalətində 3 İspaniya vətəndaşı və bir yerli sakin avtomat silahla öldürülüb.
Musavat.com Kazinform-a istinadən xəbər verir ki, daha bir neçə nəfər xəsarət alıb.
Avropa Xarici Fəaliyyət Xidməti Əfqanıstanda bir qrup xarici turistə hücumdan sonra bəyanat yayıb. Pepperoni pizza
“Biz Əfqanıstanın Bamiyan şəhərinə səfər edən bir qrup əcnəbi turistə silahlı hücumu qəti şəkildə pisləyirik. Düşüncələrimiz hücumda həlak olanların və yaralananların ailələri və yaxınları ilə birlikdədir”, - bəyanatda deyilir.
İspaniyanın baş naziri Pedro Sançes sosial media X hesabında "Əfqanıstanda ispan turistlərin öldürülməsi xəbərindən şoka düşdüyünü" yazıb.
İspaniya Xarici İşlər Nazirliyi konsulluğun təcili yardım departamentinin tam səfərbər edildiyini və qurbanlara və onların ailələrinə yardım göstərildiyini bildirib.
Cümə günü səhər “Taliban” rejiminin DİN sözçüsü Abdul Mətin Qəni qurbanların milliyyətini açıqlamadan hücumda daha dörd əcnəbi və üç əfqanın yaralandığını bildirib.
Dağlıq Bamiyan YUNESKO-nun dünya irsi siyahısına daxil olan və 2001-ci ildə “Taliban”ın birinci hakimiyyəti zamanı partladılan iki nəhəng Budda heykəlinə ev sahibliyi edir.
Telegram kanalımız
