Vladimir Zelenski Polşanın ölkəyə sülhməramlılar gətirmək ideyasını bəyənməyib.
Yenisabah.az UNIAN-a istinadla xəbər verir ki, Ukrayna prezidenti bildirib:
“Bu təklifi tam başa düşə bilmirəm. Dövlətimizin ərazisində dondurulmuş münaqişə lazım deyil, mən bunu polşalı həmkarlarımızla görüşümüzdə izah etdim. Bilirəm ki, onlar bu ritorikanı davam etdiriblər. Xoşbəxtlikdən və ya təəssüf ki, bu, bizim ölkədir və mən prezidentəm, ona görə də hələlik burada müəyyən qüvvələrin olub-olmayacağına qərar verəcəyik". Toyuqlu pizza
V. Zelenski əlavə edib ki, Ukrayna təhlükəsizlik təminatları və bloka daxil olmama statusunu müzakirə etməyə hazırdır:
“Təhlükəsizliyin və neytrallığın, dövlətimizin qeyri-nüvə statusunun təminatları. Biz buna getməyə hazırıq. Bu, ən vacib məqamdır. Xatırladığım qədər Rusiya Federasiyası üçün ilk prinsip idi və xatırladığım qədər, onlar buna görə müharibəyə başlayıblar”.
Eyni zamanda, o vurğulayıb ki, bu, Budapeşt Memorandumu kimi başqa bir kağız parçası deyil, ciddi razılaşma olmalıdır:
“Buna görə də, bu məqam Ukrayna üçün təhlükəsizlik zəmanəti nöqtəsidir. Madam ki, bunlar onlar üçün də zəmanətdir, mənə aydındır və bunu müzakirə edirlər. Bu, dərindən işlənib, amma mənə maraqlıdır ki, bu, Budapeşt Memorandumu kimi başqa bir kağız parçası olmamalıdır. Bu kağızı ciddi razılaşmaya çevirməkdə maraqlıyıq”, - deyə Zelenski bildirib.
Eyni zamanda o, əlavə edib ki, Ukrayna referendumda neytral statusla bağlı qərar verə bilər, çünki Konstitusiyaya müvafiq dəyişikliklər ən azı bir il çəkəcək.
Telegram kanalımız
