Kürdəmirdə bədbəxt hadisə baş verib. Lənkəran rayon icra hakimiyyətinin başçısı Taleh Qaraşovun kiçik qardaşı Azər Qaraşov silahla ehtiyatsız davranaraq özünə atəş açıb.
Hadisə dünən axşam saat 17:00 radələrində rayonun Pirəköcə kəndində qeydə alınıb.
Kənd sakini 1975-ci il təvəllüdlü Azər Azay oğlu Qaraşov yaşadığı evdə özünə məxsus ov tüfəngini təmizləyərkən ehtiyatsızlıq edib və silah onun əlində açılıb. Pepperoni pizza
Silahdan açılan atəş nəticəsində Azər Qaraşov qarın nahiyəsindən ağır xəsarət alıb və elə hadisə yerindəcə dünyasını dəyişib.
Bundan sonra hadisə yerinə rayonun hüquq mühafizə orqanı əməkdaşları cəlb olunub. Onun meyiti müayinə olunması üçün Səhiyyə Nazirliyinin Məhkəmə Tibbi Ekspertizası və Pataloji Anatomiya Birliyinin Kürdəmir rayon şöbəsinə aparılıb.
Qeyd edək ki, mərhum Azər Qaraşov 3 uşaq atası idi və rayonun Pirəköcə kəndində ata evində yaşayırdı.
Hazırda faktla bağlı Kürdəmir rayon prokurorluğunda araşdırma aparılır.
Telegram kanalımız
