İranda 14-cü dönəm prezident seçkilərində iştirak üçün namizədliyin irəli sürülməsi rəsmən başlayıb.
Yenisabah.az ISNA-ya istinadla xəbər verir ki, bu gün səhər saat 8:00-da ölkənin Seçki Qərargahına potensial namizədlərin baş vurmasının ilk günü başlayıb.
Seçki Qəraragahı axşam saat 18:00-a qədər işləyəcək. pizza mizza
Namizədlərin ölkənin seçki qərargahına gələrək bu seçkilərdə iştirak etmək üçün qeydiyyatdan keçməsi üçün beş gün (iyunun 4-dək) davam edəcək.
Bu beş günlük ilk mərhələdən sonra Nəzarətçilər Şurası namizədlərin sənədlərinin yoxlayacaq və qeydə alınmış namizədlərin siyahısını Daxili İşlər Nazirliyinə göndərəcək.
Konkret olaraq 40-75 yaş arası və ən azı magistr dərəcəsi olan şəxslər seçkidə namizəd qismində iştirak edə bilər.
Namizədləri təbliğat dövrü iyunun 26-dək davam edəcək.
İranda növbədənkənar prezident seçkiləri iyunun 28-də keçiriləcək.
Xatırladaq ki, mayın 19-da prezident İbrahim Rəisinin helikopteri İranın şimal-qərbində, Azərbaycanla sərhədə yaxın dağlıq ərazidə qəzaya uğrayıb. Təyyarədə İran prezidenti ilə yanaşı xarici işlər naziri Hüseyn Əmir Abdullahiyan, Şərqi Azərbaycan vilayətinin qubernatoru Malek Rəhməti və Ayətullah Məhəmməd Əli Ali-Haşim də olub.
Hazırda İran prezidentinin vəzifələrini Rəisi dövründə ölkənin birinci vitse-prezidenti vəzifəsində çalışmış Məhəmməd Müxbir icra edir.
Telegram kanalımız
