Tezliklə Qazaxın Bağanıs Ayrım, Aşağı Əskipara, Xeyrimli və Qızıl Hacılı kəndləri Azərbaycana təhvil veriləcək.
Yenisabah.az Teleqraf.com-a istinadən xəbər verir ki, bunu Ermənistanın "Aprelu Yerkir” Partiyasının sədri Mesrop Arakelyan deyib.
“Azərbaycan Ermənistandan işğal altında olduğunu bildirdiyi 4 kəndin qaytarılmasını tələb edir. Əlbəttə, Ermənistan hakimiyyətinin cavab verəcəyi heç nə yoxdur. Əslində, tezliklə nə cavab verəcəkləri və edəcəkləri bəllidir, - partiya sədri vurğulayıb. Dominos pizza
Arakelyan xatırladıb ki, Ermənistan sözügedən 4 kəndi, eləcə də Sofulu, Barxudarlı, Yuxarı Əskipara və Kərki anklavlarını Azərbaycan ərazisi kimi tanıyıb.
Eyni fikri erməni rejissor Ruben Mxitaryan da təkrarlayıb.
Onun sözlərinə görə, İrəvan Azərbaycanın ərazi bütövlüyünü tanıyarkən 8 kəndin də bura daxil olduğunu xüsusi qeyd edib. Mxitaryan əlavə olaraq, Qazaxın 7 kəndi ilə yanaşı, Naxçıvanın Kərki kəndinin də təhvil veriləcək ərazilərə daxil olduğunu bildirib.
"Hakim komandanın qapalı iclası keçirilir və orada bəyan edilir ki, müharibənin olmaması üçün 4 kənd təhvil verilməlidir. Artıq qarşı tərəf (ilkin olaraq) 4 kəndi rəsmən tələb edib. Bu, tezliklə baş tutacaq", - rejissor söyləyib.
Telegram kanalımız
