Mövcud hakimiyyət şəraitində müharibə, yeni ərazilərin itirilməsi, Ermənistanın ukraynalaşması və fələstinləşdirilməsi qaçılmazdır, lakin indiki hakimiyyətin istefası və milli razılıq hökumətinin formalaşması halında müharibə olmayacaq.
Yenisabah.az Armenian News-a istinadla xəbər verir ki, bunu “Ayakve” təşəbbüsünün üzvü Menua Soqomonyan deyib.
O, Rusiyanın Ermənistanın düşməninə çevrilməsi prosesini qəbuledilməz adlandırıb: Dördpendirli pizza
“Paşinyan rejiminə regionda Qərb hegemonluğu yaratmaq missiyası verilib. Qərb isə Ermənistandan Azərbaycanın bütün şərtlərini yerinə yetirməyi və əraziləri təslim etməyi tələb edən Türkiyəni özünün regiondakı nümayəndəsi hesab edir”.
Soqomonyan proqnozlaşdırır ki, Paşinyan Qərbin missiyasını yerinə yetirərək Ermənistanın KTMT və Aİİ-dən çıxması, eləcə də Rusiya bazasının çıxarılması məsələlərini tədricən gündəmə gətirəcək.
Onun sözlərinə görə, Türkiyə və Azərbaycanın təhdidlərini nəzərə alaraq, Ermənistanın etibarlı tərəfdaşlara ehtiyacı var:
“İndi bu münasibətlər ardıcıl olaraq pisləşir və bunun müqabilində biz başqa mərkəzlərdən yeni təminatlar almırıq. Ermənistanın Rusiya və İranı regiondan çıxarmaq cəhdləri fonunda Azərbaycanın bu ölkələrlə münasibətlərində yaxınlaşma müşahidə edirik. Bakıdan bu cür hərəkətlərin qarşısını almağa çalışan Qərb Əliyevi sakitləşdirməyə çalışır".
Telegram kanalımız
