“Onları görəndə uşağın əlindən telefonu almaq istəyirsən” - Türkandan etiraz

Müğənni Türkan Vəlizadə “TikTok” sosial şəbəkəsinə girənləri tənqid edib. 

Yenisabah.az xəbər verir ki, Kanal S-də qonaq olan ifaçı bunu biabırçılıq adlandırıb: 

““TikTok” sosial şəbəkə platforması biabırçılıqdır. Müğənni var deyir ki, görəsən bu mahnını ifa etsəm “TikTok”da məşhurlaşacaq, partlayacaq? Bu nə deməkdir?  Dominos pizza

“TikTok”da canlı yayımlar açırlar. Baxırsan ki, biabırçılıqdır. Uşağın əlindən telefonu almaq istəyirsən. Evdə ana, atanın onlara baxmasını istəmirsən. Hətta özün onlara baxmağa utanıb, biabır olursan ki, bu nədir belə...”. 

İfaçı xanımların orada canlı yayımlar açmasını qınayıb: 

“Kişilərin “TikTok”a girməsini yenə anlayıram və normal qarşılayıram. Lakin xanımların “TikTok”a girməsini onlara yaraşdırmıram. Olmaz!”