Prezident İlham Əliyev Azərbaycan Respublikası Prezidentinin 2003-cü il 4 avqust tarixli 911 nömrəli Fərmanı ilə təsdiq edilmiş “İnzibati və yardımçı vəzifələrin Təsnifat Toplusu”nda dəyişiklik edilməsi haqqında Fərman imzalayıb.
Yenisabah.az-ın məlumatına görə, Sərəncamla Azərbaycan Respublikası Prezidentinin 2003-cü il 4 avqust tarixli 911 nömrəli Fərmanı ilə təsdiq edilmiş “İnzibati və yardımçı vəzifələrin Təsnifat Toplusu”nda aşağıdakı dəyişikliklər edilir:
1. Aşağıdakı məzmunda 1.9.7-1-ci və 1.9.10-1-ci yarımbəndlər əlavə edilsin: pizza sifarişi
“1.9.7-1. Azərbaycan Respublikası Prezidentinin xüsusi nümayəndəsi;”;
“1.9.10-1. Azərbaycan Respublikası Prezidentinin xüsusi nümayəndəsinin müavini;”.
2. 2.1.2-ci yarımbəndə aşağıdakı məzmunda 6-1-ci abzas əlavə edilsin:
“6-1. Azərbaycan Respublikası Prezidentinin xüsusi nümayəndəsi;”.
3. 2.1.3-cü yarımbəndə aşağıdakı məzmunda 1-1-ci abzas əlavə edilsin:
“1-1. Azərbaycan Respublikası Prezidentinin xüsusi nümayəndəsinin müavini;”.
Telegram kanalımız
